थर्टी फर्स्ट स्पेशल! ढोसा..! पिणाऱ्यांवर सरकार मेहरबान;उद्या सकाळी ५ वाजेपर्यंत सुरू राहणार मद्यविक्री आणि परमिट रूम; देशी दारू पिण्यासाठी ५ रुपयांत मिळणार.....
२०२२ या वर्षाचा आज, ३१ डिसेंबरला शेवटचा दिवस आहे. यंदाचा थर्टी फर्स्ट शनिवारी आल्याने काहींचा "खाण्याचा" बेत हुकला असला तरी अनेकांचा पिण्यावर जोर असणार आहे. महसूल मिळवण्यासाठी सरकार सुद्धा पिण्याऱ्यांवर मेहरबान झाले आहे.त्यामुळेच जिल्ह्यातील परमिट रूम व मद्यविक्री उद्या पहाटे ५ वाजेपर्यंत सुरू असणार आहे.
अर्थात परमिट रूम, रेस्टॉरंट, क्लब इत्यादी ठिकाणी दारू पिण्यासाठी आणि विकत घेण्यासाठी परवानगीची आवश्यकता असते. राज्य उत्पादन शुल्क विभागाच्या वतीने १ दिवसासाठी देण्यात येणारा हा परवाना मिळवण्यासाठी ५ रुपये लागतात. २१ वर्ष पूर्ण असलेल्या व्यक्तीलाच असा परवाना मिळतो. दरम्यान जिल्ह्यात आज,३१ डिसेंबर साठी २९ हजार ८०० जणांनी हा परवाना मिळवला असल्याचे राज्य उत्पादन शुल्क विभागाच्या बुलडाणा कार्यालयाच्या वतीने सांगण्यात आले. ज्यांच्याकडे परवाना नाही अशा मद्य प्राशन करणाऱ्यांवर कायदेशीर कारवाई होणार आहे.