सफाई कर्मचाऱ्याच्या घरात चोरट्यांनी केली सफाई! बुलडाणा शहरातील घटना

पुजा सपकाळ (२८, रा. समता नगर, बुलडाणा) ह्या भारत विद्यालयात साफसफाईचे काम करतात. १२ एप्रिल रोजी सकाळी त्या साफसफाई करण्यासाठी भारत विद्यालयात गेल्या होत्या त्यावेळी घरी कुणीही नव्हते. दुपारी १ वाजता त्या परत आल्या तेव्हा दरवाजाचे कुलूप तुटलेले त्यांना दिसले.  घरातील लोखंडी  कपाट तुटलेले होते.

कपाटातील कपडे जमिनीवर पडलेले असल्याने त्यांना चोरीचा संशय आला. कपाटातील सोन्याचे झूमके, पेंडल, अंगठी, चांदीची चैन व रोख ३१ हजार असा एकूण १ लाख ७ हजार रुपयांचा मुद्देमाल चोरीला गेल्याचे तक्रारीत म्हटले आहे. तक्रारीवरून पोलिसांनी अज्ञात आरोपीविरुद्ध गुन्हा दाखल केला. तपास एएसआय माधव पेटकर करीत आहेत.