स्वातंत्र्याच्या अमृत महोत्सवानिमित्त शालेयस्तर निबंध स्पर्धेचे आयोजन तहसीलदार रूपेश खंडारे यांचा पुढाकार!

तहसीलदार रूपेश खंडारे यांनी ही माहिती दिली. जिल्हाधिकारी एस. रामामुर्ती यांच्या मार्गदर्शनाखाली आयोजित ही स्पर्धा 2 गटात घेण्यात येणार असून निशुल्क आहे. वर्ग 5 ते 8 आणि वर्ग 9 ते 12 अश्या दोन गटात स्पर्धा घेण्यात येणार आहे.

दोन्ही गटांसाठी प्रथम बक्षीस 1 हजार व ट्रॉफी, द्वितीय बक्षिस 700 व ट्रॉफी आणि तृतीय 500 रुपये व ट्रॉफी अशी स्वतंत्र बक्षीसे देण्यात येतील असे खंडारे यांनी सांगितले. तालुक्यातील शाळांच्या मुख्याध्यापकानी विध्यार्थ्यांचे निबंध एकत्रितपणे बुलडाणा तहसील कार्यालयात  11 ऑगस्टला संध्याकाळी 6 वाजेपर्यंत सादर करावयाचे आहे.  प्रत्येक निबंधावर शाळा, विध्यार्थीचे नाव, वर्ग व पालकाचा मोबाईल क्रमांक नमूद असावा.  या उपक्रमात शाळा व विध्यार्थ्यांनी बहुसंख्येने सहभागी होण्याचे आवाहन तहसीलदार रूपेश खंडारे यांनी केले आहे.