हिवरा आश्रम येथे स्वामी विवेकानंद जन्मोत्सवाची आज सांगता; ५० एकर क्षेत्रावरील महापंगतीला १०१ ट्रॅक्टरद्वारे होणार महाप्रसादाचे वितरण..!

रोना काळानंतर यंदा स्वामी विवेकानंद जन्मोत्सव सोहळ्यात १ लाख भाविक महाप्रसादाचा लाभ घेण्याची शक्यता आहे.या कार्यक्रमात दरवर्षी सामूहिक शिस्तीची भक्ती दिसून येते. ५० एकर परिसरात एकाचवेळी पंगतीवर पंगती बसतात. विशेष बाब म्हणजे, कोणतीही अस्वच्छता न करता ही महापंगत उठते.१५१ क्विंटल पुरी, १०५ क्विंटल वांग्याची भाजी असे या महाप्रसादाचे स्वरूप आहे.

काल शुक्रवारी पहाटेपासूनच हा महाप्रसाद बनविण्यासाठी सुरुवात झाली होती. यासाठी स्वयंसेवकांचे हजारो हात पुढे आले. स्वामी विवेकानंद जन्मोत्सवाच्या महाप्रसादाची महापंगत शिस्तीचे दर्शन घडविणारी असून, आज जयंती महोत्सवाचा समारोप होणार आहे.