कोरोना महामारीत मायबाप गेले, सर्वस्वचं हरवले, आभाळ कोसळले !आशा फाउंडेशनने दत्तक घेतलेल्या "त्या" अनाथांना शब्द पाळीत दिला मायेचा आधार !

आशा फाउंडेषनने दत्ताक घेतलेल्या १५ बालकांपैकी उच्च शिक्षण घेत असलेल्या मलकापुरच्या प्रशांत नगरातील विद्यी रविंद्र शर्मा व प्रणव रविंद्र शर्मा या दोघांना प्रत्येकी १ लाखाचा तर १३ ते १५ वर्ष वयोगटातील लांडणापुर (ता. संग्रामपुर ) येथील आम्रपाली राजु सोनुने, आचल राजु सोनुने,तसेच सुटाळा (ता. खामगांव) येथील प्रियांशी अमोल भाग्यवंत व जानव्ही अमोल भाग्यवंत या चौघांना प्रत्येकी ५० हजार रूपयाचे धनादेश खासदार मुकूल वासनिक यांच्या हस्ते, माजी आमदार राहुलभाउ बोंद्रे यांच्यासह मान्यवरांच्या उपस्थितीत प्रदान करण्यात आले. जिल्हयातील पालकत्व गमावलेले सात कुटूंबातील १३ बालके १५ वर्ष वयोगटापेक्षा लहान असुन ते प्राथमीक शिक्षण घेत आहेत.

तर २ बालकांनी उच्च शिक्षणासाठी प्रवेष घेतला आहे. त्यापैकी एक एम.बी.बी.एस. ला शिक्षण घेत आहे तर दुसरी बालीका ही चार्टेट अकाउंटंट चे शिक्षण घेत आहे.  उच्च  शिक्षण घेणाऱ्या दोघांना प्रत्येकी १ लाख रूपये मदत शिक्षणासाठी देण्याचे ठरले होतेे. तर उर्वरीत १३ बालकांना शिक्षण व संगोपनासाठी प्रत्येकी ५० हजार रूपये देण्यात येणार असल्याचे जाहीर करण्यात आले होते. सदरहु बालकांना पुढील शिक्षणासाठी मदत करून त्यांच्या जगन्याला उभारी देण्याच्या दृष्टीकोनातुन आशा फाउंडेशनच्या वतीने व्यवसायीक प्रशिक्षित करण्यात येणार आहेत. आशा फाउंडेशनच्या बैठकीत सदर निर्णय घेतला त्यावेळी फांउडेशनचे अध्यक्ष मुकुल वासनिक, उपाध्यक्षा सौ.पुष्पाताई बोंडे , कोषाध्यक्ष माजी आमदार बाबुरावजी पाटील, सचिव राहुल बोंद्रे, विश्वस्त मुक्त्यारसिंग राजपुत, विजय अंभारे, संजय राठोड,सौ. सुनिताताई गावंडे यांची उपस्थिती होती.