अतीवृष्टीने शेतकरी संकटात! अधिकाऱ्यांना घेऊन आमदार डॉ. राजेंद्र शिंगणे पोहचले शेतकऱ्यांच्या बांधावर; म्हणाले,निकष न लावता सरसकट नुकसानभरपाई द्या..

 सिंदखेडराजा तालुक्यातील सेलू - भोसा या परिसरात काल अतिवृष्टी झाली. त्यामुळे तहसीलदार आणि तालुका कृषी अधिकाऱ्यांना सोबत घेऊन आ.डॉ शिंगणे शेतकऱ्यांच्या बांधावर दाखल झाले. नुकसान झालेल्या पिकांची त्यांनी पाहणी केली. कपाशी व सोयाबीन चे मोठे नुकसान झाल्याने नुकसान भरपाई साठी कोणतेही निकष लावू नका.

तातडीने पंचनामे करून सरसकट नुकसानभरपाईच्या सूचना यावेळी आ. डॉ.शिंगणे यांनी तहसीलदार व तालुका कृषी अधिकाऱ्यांना दिल्या. यावेळी त्यांच्यासमवेत सतीश म्हस्के, परमेश्वर किंगर,नितीन शेळके यांच्यासह परिसरातील शेतकरी उपस्थित होते.