जिल्ह्यात परतीच्या पावसाने दैना; शासनदरबारी फक्त ६१ हजार हेक्टर क्षेत्र बाधित झाल्याची नोंद! शेतकऱ्यांना पंचनाम्यावरच संशय; "बुलडाणा लाइव्ह" ला शेकडो शेतकऱ्यांचे कॉल,म्हणाले...

ऑक्टोबर महिन्यात झालेल्या नुकसानीचे अजूनही पंचनामे रखडले आहेत. शासनस्तरावरून पंचनामे सुरू असल्याचे सांगण्यात येत असले तरी आमच्या शेतात अजून कुणीच अधिकारी आले नाहीत असे शेकडो फोन "बुलडाणा लाइव्ह" ला शेतकऱ्यांनी केले आहे. जून ते सप्टेंबर या दरम्यान जिल्ह्यात ६२ हजार ३२ हजार शेतकऱ्यांचे नुकसान झाल्याने प्रशासनाचे म्हणणे आहे. याशिवाय ऑक्टोबर महिन्यात १९ दिवसांत जिल्ह्यातल्या १२ मंडळात अतिवृष्टी झाल्याची नोंद शासनदरबारी आहे. अर्थात ही फेकाफेकी असून वास्तवात नुकसानीचा आकडा मोठा आहे. शासनाच्या पर्जन्यमापक यंत्रातील त्रुटींमुळे अतिवृष्टी कमी क्षेत्रात दाखवण्यात येत असल्याचे शेतकऱ्यांचे म्हणणे आहे. त्यामुळे अनेक नुकसान ग्रस्त शेतकरी शासनाच्या घोळामुळे मदतीपासून वंचित राहतात की काय अशी स्थिती निर्माण झाली आहे.