बुलडाण्याला लाभेल २५ पुतळ्यांचे वैभव! आमदार संजय गायकवाडांचा पुढाकार!कारंजा चौकात साकारणार भारतमाता !

 महाराष्ट्रातील गड किल्ल्यांनी छत्रपती शिवाजी महाराजांच्या शौर्याच्या ऐतिहासिक पाऊलखुणा जोपासल्यात. राष्ट्रमाता जिजाऊंच्या जिल्ह्यात शिवरायांचा इतिहास भावी पिढीला प्रेरणा देत राहावा या उद्देशाने मुंबईनंतर बुलडाण्यात प्रथमच शिवउद्यान साकारत आहे. या शिवउद्यानात २४ मावळे, ८ घोडे,२ हत्ती, ४ तोफा,४ बुरुजांची प्रतिकृती साकारत आहे. शिवाय १९ चौकांमध्ये विविध समाजातील दैवत, महापुरुषांचे २५ पुतळे उभारण्यात येणार आहे.

याचे काम प्रगतीपथावर आहे. दरम्यान प्रजासत्ताक दिनाचे औचित्य साधून आमदार संजय गायकवाड यांनी कारंजा चौकात भारतमातेचा पुतळा उभारणार असल्याचे जाहीर केले. यावेळी भारत मातेच्या ९ फूट उंच पूर्णाकृती पुतळा सौंदर्यकरण्याच्या कामाचे निरीक्षण करण्यात आले. येथे असलेल्या दुर्गा मंदिरा समोर भारतमातेचा चेहरा असेल आणि विरुद्ध दिशेने देखील भारतमातेचा चेहरा असणार असल्याचे गायकवाड म्हणाले. यावेळी शिवसेना शहरप्रमुख गजेंद्र दांदडे, नगरसेवक अरविंद होंडे,कमलेश कोठारी,अशोक व्यास,बंटी छाजेड,रवी भगत,लक्ष्मण ठाकरे, विष्णू ढेंबरे यांच्यासह बुलडाणा शहरातील नागरिक,शिवसेना युवासेना पदाधिकारी उपस्थित होते.