तुम्ही बांधकाम कामगार आहात? फसवणूक होण्यापासून वाचायचेय.. मग ही बातमी खास तुमच्यासाठी

 बांधकाम कामगारांची नोंदणी, नूतनीकरण व विविध योजनांच्या लाभाचे वाटप सरकारी कामगार अधिकारी कार्यालयातून ऑनलाईन पद्धतीने होते. विशेष म्हणजे या कामासाठी कोणत्याही प्रतिनिधी, दलाल, एंजंट यांची नेमणूक करण्यात आली नसल्याचेही कार्यालयाच्या वतीने स्पष्ट करण्यात आले आहे. कामगारांना अर्ज नोंदणीसाठी वार्षिक एक रुपये एवढेच शुल्क आकारण्यात येते,शिवाय त्याची रीतसर पावती कार्यालयाकडून देण्यात येते. या व्यतिरिक्त कोणतेही शुल्क आकारण्यात येत नसल्याचे कार्यालयाच्या वतीने स्पष्ट करण्यात आले आहे.