BREAKING पुन्हा भीषण अपघात! मध्यप्रदेश परिवहन विभागाची बस आणि विटांची वाहतूक करणाऱ्या ट्रकची धडक; ३ ठार, २० गंभीर! खामगाव नांदुरा रोडवरील आज सकाळची घटना
Apr 15, 2025, 09:35 IST
खामगाव(बुलडाणा लाइव्ह वृत्तसेवा): शेगाव खामगाव रोडवरील भीषण अपघाताची घटना आठवडाभरापूर्वी घडलेली असतानाच आता पुन्हा एक अपघाताची दुर्दैवी बातमी समोर आली आहे. खामगाव नांदुरा रोडवरील आमसरी फाट्याजवळ हा भीषण अपघात आज,१५ एप्रिलच्या सकाळी साडेआठ वाजेच्या सुमारास घडला आहे. मध्यप्रदेश परिवहन विभागाची बस आणि विटांची वाहतूक करणाऱ्या ट्रकची समोरासमोर धडक झाली, यात ३ जण ठार तर २० जण जखमी झाले आहेत.
मध्य प्रदेश परिवहन विभागाची बस अमरावती वरून बऱ्हाणपूर कडे जात होती. स्थानिकाने दिलेल्या माहितीनुसार विटांची वाहतूक करणारा ट्रक राँग साइडने जात होता. आमसरी फाट्याजवळ या दोन वाहनांची भीषण धडक झाली, यात ट्रक मधील ३ मजुरांचा जागीच मृत्यू झाला आहे. ४ जणांची प्रकृती गंभीर असून त्यांना तातडीने अकोला येथे हलवण्यात आले आहे. एसटी बस मधील २० प्रवासी जखमी असून त्यांना पोलिसांनी स्थानिकांच्या मदतीने उपचारासाठी दाखल केले आहे.