जिल्हा परिषदेच्या ‘मिशन झेड’ अंतर्गत Pahel Institute ची निवड; गुणवत्ताधारित विद्यार्थ्यांच्या स्वप्नांना नवे पंख...
Updated: Apr 26, 2025, 15:01 IST
बुलडाणा (बुलडाणा लाइव्ह वृत्तसेवा): जिल्हा परिषदेच्या ‘मिशन झेड’ उपक्रमांतर्गत शासकीय शाळांमधील आर्थिकदृष्ट्या दुर्बल, पण गुणवत्ताशील विद्यार्थ्यांचे डॉक्टर आणि इंजिनिअर बनवण्याचे स्वप्न साकार करण्यासाठी बुलडाण्यातील Pahel Institute, चैतन्य वाडी ची अधिकृत निवड करण्यात आली आहे.
या उपक्रमाअंतर्गत NEET, JEE आणि MHT-CET परीक्षांसाठी विद्यार्थ्यांना मोफत आणि दर्जेदार मार्गदर्शन दिले जाणार आहे. Pahel Institute ने यासाठी विशेष तयारी केली असून, जिल्ह्यातील गुणवत्ताधारित २५ विद्यार्थ्यांची निवड झाली आहे. आता हे विद्यार्थी स्पर्धा परीक्षांची सखोल तयारी या संस्थेत करतील.
या निवडीसाठी झालेल्या विशेष कार्यक्रमास जिल्हा परिषदेचे मुख्य कार्यकारी अधिकारी मा. गुलाबराव खरात, शिक्षणाधिकारी (प्राथमिक) बाळासाहेब खरात, शिक्षणाधिकारी (योजना) ठग मॅडम, BDO पवार मॅडम, गटशिक्षणाधिकारी खंदारे मॅडम, तसेच केंद्र संचालक व विस्तार अधिकारी मेमाणे मॅडम यांची उपस्थिती लाभली.
Pahel Institute चे संचालक प्रा. निखिल श्रीवास्तव सर यांनी जिल्हा परिषदेच्या विश्वासाबद्दल आभार मानत सांगितले,
"विद्यार्थ्यांचे भविष्य घडवणे हेच आमचे प्रमुख ध्येय आहे. ‘मिशन झेड’ अंतर्गत संस्थेची निवड होणे हा आमच्यासाठी अभिमानाचा क्षण आहे. आम्ही संपूर्ण टीमसह प्रत्येक विद्यार्थ्याला NEET, MHT-CET आणि JEE परीक्षेत यश मिळवण्यासाठी सर्वोत्तम सुविधा, मार्गदर्शन आणि पाठबळ देऊ."
कार्यक्रमात संस्थेचे व्यवस्थापक सिद्धेश्वर मंडळकर सर यांनी पालकांच्या शंकांचे निरसन करत महत्त्वपूर्ण भूमिका बजावली.
विद्यार्थ्यांच्या तयारीसाठी मार्गदर्शक म्हणून पुढील शिक्षकांचा सक्रिय सहभाग राहणार आहे:
- प्रा. प्रविण रोकडे सर
- आर. आर. शेख सर
- कृष्णा काळवघे सर
- विठ्ठल दवंड सर
- चेतन प्रधान सर
कार्यक्रमाच्या शेवटी श्री. हिवाळे सर यांनी उपस्थित मान्यवरांचे व संपूर्ण जिल्हा प्रशासनाचे आभार मानले.
Pahel Institute, चैतन्य वाडी, बुलडाणा तर्फे विद्यार्थ्यांना या सुवर्णसंधीचा लाभ घेण्याचे आवाहन करण्यात आले आहे.अधिक माहितीसाठी संपर्क: 9763009156 / 9766924900
---