चॅट जीपीटीच्या ghibli फिचरची जिल्ह्यातील नेत्यांना भुरळ; केंद्रीय मंत्री प्रतापराव जाधव,आ.डॉ.कुटे, राहुल बोंद्रे, जयश्रीताईंनी शेअर केले ghibli स्टाईल फोटो;

   चॅट जीपीटीच्या या नव्या फीचर्स मुळे युजर्स मोठ्या प्रमाणात Ghibli शैलीतील एआय जनरेटेड फोटो तयार करत आहेत.. राजकीय नेते, बॉलीवूड अभिनेते देखील यात मागे नाहीत. बुलढाणा जिल्ह्यातील नेत्यांना देखील याची भुरळ पडली आहे. केंद्रीय मंत्री प्रतापराव जाधव यांनी हिंदुहृदयसम्राट बाळासाहेब ठाकरे, पंतप्रधान नरेंद्र मोदी, एकनाथ शिंदे यांच्यासोबत चे फोटो सोशल मीडियावर शेअर केले आहेत. आ.डॉ. संजय कुटे यांनी मुख्यमंत्री देवेंद्र फडणवीस यांच्या सोबतचा एक खास फोटो शेअर केला आहे. जिल्हा काँग्रेसचे अध्यक्ष राहुल बोंद्रे यांनी पत्नी ॲड. वृषाली बोंद्रे यांच्यासोबत चा फोटो शेअर केला आहे तर उबाठा नेत्या जयश्रीताई शेळके यांनी त्यांचे पती सुनील शेळके यांच्यासोबत फोटो टाकून ट्रेंडमध्ये सहभाग घेतला आहे.. व्हॉईस ऑफ मीडियाचे जिल्हाध्यक्ष कृष्णा सपकाळ यांनीदेखील या नव्या फीचरच्या मदतीने फोटो बनवून सोशल मीडियावर शेअर केला आहे..

हे नवे फिचर चॅटजीपीटीने आपले संकेतस्थळ व ॲपवर मोफत युजर्ससाठी मर्यादित स्वरूपात तर सबस्क्रिप्शन घेतलेल्या सदस्यांसाठी अमर्यादित स्वरूपात वापरासाठी उपलब्ध केले आहे. हे फिचर वापरण्यासाठी चॅटजीपीटीचे संकेतस्थळ किंवा ॲपवर
छायाचित्र अपलोड करावे लागते. या फोटोसोबत Turn this into a Ghibli style portrait?, Show me in Studio Ghibli style, Make a Studio Ghibli version of this image असे निर्देश देणारा मजकूर म्हणजेच प्रॉम्प्ट टाईप करावा लागतो.