अवैध रेती माफियांना जलंबचे शेतकरी वैतागले! तहसीलदारांना, आमदारांना निवेदन दिले; साहेब सांगा, सोयाबीन कसे घरी आणु?

जलंब गावा शेजारच्या नाल्यांमधून रेतीचा मोठा उपसा सुरू आहे. रात्रीच्या वेळी हा उपसा केल्या जातो, ट्रॅक्टरने रेतीची अवैध वाहतूक होते. ट्रॅक्टर मुळे रस्त्यात खूप मोठे खड्डे पडलेले आहेत, बैलगाडी देखील या रस्त्याने नेता येत नाही. त्यामुळे सोयाबीनची काढणी तोंडावर आलेली असताना सोयाबीन घरी आणावे कसे? असा प्रश्न शेतकऱ्यांना पडला आहे. त्यामुळे शेतकऱ्यांनी आमदार आकाश फुंडकर यांच्यासह तहसीलदारांची भेट घेतली. महसूल विभागाने अवैध रेती वाहतूक बंद करावी, अन्यथा आमरण उपोषणाला बसतील असा इशारा शेतकऱ्यांनी निवेदनातून दिला आहे.👇

निवेदनावर शेतकरी संजय अवचार, चंद्रशेखर देशमुख, गोपाल मोहे, गजानन मोहे, बंडू सोनटक्के, महादेव तायडे, शरद मोहे, गणेश असंबे,पंजाबराव देशमुख, अनंता नरवाडे, मोहन दुटे,श्रीराम काळे, संतोष धामणकर यांच्यासह जवळपास दीडशे ते दोनशे शेतकऱ्यांच्या सह्या आहेत.