मागेल त्याला सौर कृषी पंप योजना! वऱ्हाडात तीन महिन्यात बसविण्यात आले २८६६ सौर कृषी पंप! बुलडाणा जिल्ह्यातून ७,३८४ अर्ज...

  मुख्यमंत्री एकनाथ शिंदे, उपमुख्यमंत्री तथा ऊर्जा मंत्री देवेंद्र फडणवीस आणि उपमुख्यमंत्री अजित पवार यांच्या सरकारने यंदा २८ जून रोजी अर्थसंकल्पात ‘मागेल त्याला सौर कृषी पंप’ ही योजना शेतकऱ्यांसाठी जाहीर केली. त्यानुसार शेतकऱ्यांना केवळ १०% रक्कम भरून सौर पॅनेल्स, पंप असा संपूर्ण संच मिळतो. अनुसूचित जाती व जमातींच्या शेतकऱ्यांना ५% लाभार्थी हिस्सा भरावा लागतो. बाकी रक्कम केंद्र सरकार व राज्य सरकारकडून अनुदान म्हणून मिळते. या योजनेत वऱ्हाडात २३,१५४ अर्ज महावितरणकडे प्राप्त झाले असून त्यापैकी १२,५८७ शेतकऱ्यांनी त्यांच्या हिश्श्याची रक्कम भरून पंप बसविण्यासाठी एजन्सीची निवड केली आहे. तर २,८६६ शेतकऱ्यांच्या शेतात पंप बसविण्यात आले आहे.👇