माळी समाजाच्या सर्व मागण्या पूर्ण करण्यासाठी प्रयत्नशील राहणार!आमदार संजय रायमुलकर यांचा शब्द! जानेफळात सकल माळी समाजाचा मेळावा संपन्न..

 
 मेहकर(बुलडाणा लाइव्ह वृत्तसेवा): मी कधीच जातीभेद मानत नाही मतदार संघातील सर्व घटकांच्या सर्वांगीण विकासासाठी मी नेहमी कार्यरत राहिलो आहे. सकल माळी समाज बांधवांचे प्रेम आणि सहकार्य मला सदैव लाभले आहे. भविष्यातही त्यांच्यासाठी प्रयत्नरत राहणारच आहे .कुठलाही प्रश्न व समस्या भविष्यात बाकी राहणार नाही, असे विचार आमदार संजय रायमुलकर यांनी व्यक्त केले.

 आज जानेफळ येथे सकल माळी समाज बांधवांचा मेळावा समाजातर्फे आयोजित करण्यात आला होता. त्यात आमदार रायमुलकर यांचा सत्कार करण्यात आला. त्यावेळी ते बोलत होते. मान्यवरांच्या हस्ते यावेळी महात्मा ज्योतिराव फुले सावित्रीबाई फुले यांच्या प्रतिमांना पुष्पहार अर्पण करण्यात आले. आपल्या भाषणात संजय रामुलकर पुढे म्हणाले की, मतदार संघातील सर्व गावांमध्ये विकासाची विक्रमी कामे करण्यात आली आहेत, आदर्श मतदारसंघ व्हावा, यासाठी मी नेहमी प्रयत्न केले आहेत.

सर्व घटकांच्या उत्कर्षासाठी शासनाच्या विविध विभागाच्या योजना त्यांच्यापर्यंत पोहोचविण्याचा यथाशक्ती प्रयत्न केलेला आहे.माळी समाजाच्या मागणीनुसार जानेफळ येथे क्रांतीसुर्य महात्मा ज्योतिबा फुले यांचा पुतळा उभारण्याचा, माळी समाज भावनांची निर्मिती करण्याचा व नायगाव देशमुख येथील वीज उपकेंद्राची क्षमता वाढविण्याचा माझा प्रयत्न राहील.

              
यावेळी दत्ता खरात,वामनराव झोरे ,सहदेव आल्हाट यांची भाषणे झाली. प्रस्ताविकातून डॉ .केशव अवचार यांनी सविस्तर माहिती दिली. सकल माळी समाज पूर्ण ताकतीने आमदार संजय रायमुलकर यांच्यासोबत राहील असे टाळ्यांच्या गजरात डॉ.
अवचार यांनी जाहीर केले. मेळाव्याला समता परिषदेचे दत्ता खरात ,वामनराव झोरे ,डॉ. केशव अवचार, गणेश बोचरे, ओम सौभागे ,सहदेव आल्हाट ,मनीष शेळके, अशोक गाभणे, किशोर गाभणे, सुपाजी पायघन, शाम इंगळे, माधवराव तायडे, उत्तम परमाळे, तोलाजी जाधव ,नंदकिशोर निकस,नागोलकर मामा, कैलास चवरे, विजय जागृत, सरपंच संघटनेचे तालुकाध्यक्ष अरुण दळवी, रवींद्र काटे आदी प्रामुख्याने उपस्थित होते. मेळाव्याचे सूत्रसंचालन गणेश बोचरे यांनी केले तर आभार संदीप गायकवाड यांनी मानले.