मशाल यात्रेत दिसतोय सरकारविरोधात आक्रोश....! जालिंधर बुधवंत म्हणाले,"हा फक्त ट्रेलर..पिक्चर अभी बाकी है!" असंवेदनशील सरकारची मस्ती जनताच उतरवणार...

मोतोळा(बुलडाणा लाइव्ह वृत्तसेवा): राज्यातील खोके सरकारने असंवेदनशीलतेचा कळस गाठला आहे. हे सरकार गेंड्याच्या कातडीचे सरकार आहे. रोज शेतकरी मेला तरी यांना काही देणे घेणे नाही. उद्योगपतींच भलं करण्यासाठीच हे लोक खोके घेऊन सत्तेवर आलेले आहेत. त्यामुळे शेतमालाला भाव नाही, पीक विम्याचे पैसे शेतकऱ्यांना मिळाले नाहीत. पीक विमा कंपनीने मात्र हजारो कोटी रुपयांचा नफा जनतेच्या पैशातून कमावला आहे. जेवढा असंतोष या सरकारच्या विरोधात आहे, एवढा आतापर्यंत कधीही नव्हता..त्यामुळे या खोके सरकारची मस्ती विधानसभा निवडणुकीत जनता नक्की उतरवणार ही काळ्या दगडावरची पांढरी रेष आहे असे रोखठोक प्रतिपादन शिवसेना जिल्हाप्रमुख जालिंधर बुधवंत यांनी केले. मशाल जागर यात्रेच्या दुसऱ्या दिवशी मोतोळा तालुक्यातील विविध गावांत झालेल्या कॉर्नर बैठकांत बुधवंत बोलत होते..