EXCLUSIVE चिखलीच्या रणांगणातून दोघांची माघार! सिंदखेडराजा, मेहकर, बुलडाणा अजूनही जैसे थे! उद्या, रविवार..अर्ज मागे घेण्यासाठी फक्त सोमवारी दुपारी ३ पर्यंतचा वेळ...

 बुलडाणा(बुलडाणा लाइव्ह वृत्तसेवा): विधानसभा निवडणुकांसाठी मतदानाची तारीख जसजशी जवळ येणार आहे तशी रंगत आणखी वाढणार आहे. ४ नोव्हेंबरला अर्ज मागे घेण्यासाठी शेवटचा दिवस आहे, अशात आज २ नोव्हेंबर पर्यंत केवळ चिखली विधानसभा मतदारसंघातून दोघांनी माघार घेतली आहे..घाटावरील मेहकर, बुलडाणा आणि सिंदखेड राजा मतदारसंघातील परिस्थिती जैसे थे आहे..आता उद्या,३ नोव्हेंबरला रविवार असल्याने अर्ज मागे घेता येणार नाही, त्यामुळे सोमवारचा दिवस शेवटचा राहणार आहे.सोमवारी दुपारी ३ वाजेपर्यंतच उमेदवारांना अर्ज मागे घेता येणार आहे..त्यानंतर सर्वच लढतींचे चित्र स्पष्ट होणार आहे..