माता भगिनींचा जिव्हाळा देतो विकासकार्याचे बळ! आमदार श्वेताताईंचे प्रतिपादन! जन आशीर्वाद दौऱ्यात ओसंडून वाहतोय माता-भगिनींचा श्वेताताईंबद्दलचा जिव्हाळा

महाराष्ट्र विधानसभेत चिखली मतदारसंघाचे प्रतिनिधित्व करण्याची पुन्हा संधी मिळावी यासाठी आ. श्वेताताई महाले या महायुतीतर्फे भारतीय जनता पक्षाच्या उमेदवार म्हणून सलग दुसऱ्यांदा जनतेचा कौल आजमावत आहेत. निवडणूक प्रचारानिमित्त आयोजित जन आशीर्वाद दौऱ्यातून मतदारसंघातील ग्रामीण भागात त्या सध्या फिरत असून प्रत्येक जिल्हा परिषद सर्कलमध्ये गावोगावी जाऊन मागील अडीच वर्षात आपण केलेल्या विकासकामांची पोचपावती श्वेताताई जनता जनार्दनाकडून मागत आहेत. अबालवृद्धासह प्रत्येक वयोगटातील मतदारांचा त्यांना उदंड प्रतिसाद लाभत असून यामध्ये महिला वर्गाचा दिसणारा उत्साह अधिक ठळकपणे जाणवतो.