काँग्रेसचा प्लॅन ठरला..! साडेतीन हजार शेतकऱ्यांच्या अन्...आज बुलडाण्यात मुख्यमंत्र्यांना देणार....
बुलडाणा(बुलडाणा लाइव्ह वृत्तसेवा): मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आणि अजित पवार आज बुलडाणा दौऱ्यावर येत आहेत. ऐतिहासिक आणि अतिशय भव्यदिव्य अशा शिवस्मारकाच्या लोकार्पण सोहळ्यासह २१ महापुरुषांच्या स्मारकांचे लोकार्पण आज होत आहे. याशिवाय लाडकी बहीण योजनेच्या प्रचार प्रसाराचा शासकीय कार्यक्रम देखील होणार आहे. दोन दिवसांआधी आ.संजय गायकवाड यांनी राहुल गांधी यांची जीभ छाटण्याचे वक्तव्य केले होते, तेव्हापासून महाविकास आघाडी आ.गायकवाड यांच्या विरोधात प्रचंड आक्रमक झाली होती. दरम्यान काल,आमदार गायकवाड यांनी एक पाऊल मागे घेत ते वक्तव्य आमदार म्हणून नव्हे तर देशभक्त नागरिक म्हणून केल्याचे विधान केले होते. या पार्श्वभूमीवर आज मुख्यमंत्री एकनाथ शिंदे यांच्या भेटीसाठी काँग्रेसने वेळ मागितली असल्याची सूत्रांची माहिती आहे..काँग्रेस एक निवेदन मुख्यमंत्र्यांना देणार आहे, हे निवेदन शेतकऱ्यांच्या रक्ताने लिहिलेले आहे.
