श्वेताताई रेकॉर्ड ब्रेक मतांनी विजयी होतील! देवेंद्र फडणवीस यांचे प्रतिपादन; ना. फडणवीसांच्या उपस्थितीत श्वेताताईंनी भरला उमेदवारी अर्ज!

 पुढे बोलतांना देवेंद्र फडणवीस म्हणाले, परिवर्तन काय असते, विकास काय असतो हे गेल्या पाच वर्षात श्वेताताईंनी दाखवून दिले. चिखली विधानसभा मतदारसंघाचा खऱ्या अर्थाने आज शंखनाद झाला असल्याचे देवेंद्र फडणवीस म्हणाले. तुमच्या सर्वांच्या आशीर्वादाने श्वेता ताई रेकॉर्ड ब्रेक मतांनी विजयी होतील असा विश्वास असल्याचे ते म्हणाले. श्वेताताईंना कामे करण्यासाठी केवळ अडीच वर्षे मिळाली.कारण आधीचे महाविकास आघाडी सरकार विकास करत नव्हते, केवळ राजकारण करत होते.. विकासासाठी महाविकास आघाडी सरकारने फुटकी कवडी देखील दिली नाही असे देवेंद्र फडणवीस म्हणाले. महाविकास आघाडी सरकार जमिनीवर नव्हे तर फेसबुकवर चालायचे. आघाडी सरकारच्या कार्यकाळात श्वेताताईंना खूप संघर्ष करावा लागला असे ते म्हणाले. मात्र महायुती सरकार आल्यानंतर आम्ही चिखलीच्या विकासासाठी खजिना खुला केला असे ते म्हणाले. कोणते काम केले पाहिजे यासाठी आमदारांना दृष्टी असली पाहिजे.. त्यामुळे श्वेता ताईंनी ती दृष्टी दाखवत शेतकऱ्यांच्या शेत रस्त्याची कामे प्राधान्याने केली. आता पुन्हा महायुती सरकार येणार आहे.त्यामुळे तुम्ही निश्चिंत रहा, उरलेल्या शेत रस्त्यांची कामे पुढच्या एक वर्षात पूर्ण करू असे देवेंद्र फडणवीस म्हणाले.