श्वेताताईंना वेगवेगळ्या समाज घटकांचा वाढता पाठिंबा! धनगर, कोळी आणि बंजारा समाजाकडून जाहीर समर्थन

पंतप्रधान नरेंद्र मोदी यांच्या " सबका साथ, सबका विकास, सबका विश्वास " या त्रिसूत्रीला अनुसरून आ. श्वेताताई महाले गेल्या पाच वर्षापासून चिखली विधानसभा मतदारसंघाच्या लोकप्रतिनिधी म्हणून कार्य करत आहेत. सर्व समाज घटकांना सोबत घेऊन प्रत्येक लहान मोठ्या जातसमूहाची समान प्रगती व्हावी, शासनाच्या कल्याणकारी योजनांचे लाभ सर्व समाज घटकांपर्यंत पोहोचावे आणि विकासाच्या प्रक्रियेत सर्वांना सहभागी करून घेता यावे याकरिता श्वेताताई महाले सर्वतोपरी प्रयत्न करत आल्या आहेत. त्यामुळे त्यांच्या नेतृत्वाला प्रत्येक जातसमूहामधून सामाजिक मान्यता मिळत असताना या निवडणूक प्रचारादरम्यान पाहायला मिळाले.