पाठींबा म्हणता म्हणता दचकले..मग म्हणाले शुभेच्छा! रविकांत तुपकरांच्या आंदोलनाच्या प्रश्नावर आ. गायकवाडांची प्रतिक्रिया ...
बुलडाणा(बुलडाणा लाइव्ह वृत्तसेवा): बुलडाणा विधानसभा मतदारसंघाचे आमदार संजय गायकवाड यांनी आज त्यांच्या जनसंपर्क कार्यालयात एका पत्रकार परिषदेचे आयोजन केले होते. मुख्यमंत्री एकनाथ शिंदे १९ सप्टेंबरला बुलडाण्यात येत आहेत, संगम चौकातील छत्रपती शिवाजी महाराजांच्या अश्वारुढ पुतळ्याचे अनावरण मुख्यमंत्र्यांच्या हस्ते होणार आहे.
शिवाय शहरातील २६ स्मारकांचे अनावरण देखील याच दिवशी होणार आहे. त्याबद्दलची माहिती आ.गायकवाड यांनी पत्रकार परिषदेत दिली. आ.गायकवाड यांच्या पत्रकार परिषदेत इतर मुद्यांवरही पत्रकारांनी आ.गायकवाड यांना छेडले. आ. गायकवाडांनी नेहमीच्या शैलीत सगळ्यांच प्रश्नांना उत्तरे दिली. रविकांत तुपकर यांच्या सुरू असलेल्या आंदोलनावरून पत्रकारांनी आ.गायकवाड यांना छेडले..यावेळी आमदार गायकवाड आधी पाठींबा म्हणता म्हणता दचकले...नंतर त्यांनी शुभेच्छा असल्याचे सांगितले...