सिंदखेडराजा विधानसभा मतदार संघावर भगवा फडकणारच! उबाठा शिवसेनेचे दिलीप वाघ यांचे प्रतिपादन;

सिंदखेडराजा(ऋषि भोपळे - बुलडाणा लाइव्ह वृत्तसेवा): सिंदखेडराजा विधानसभा मतदारसंघात निष्ठावंत शिवसैनिकांची तगडी फौज आहे. गद्दार खोके घेऊन पळाले असले तरी गावागावांतील शिवसैनिक उध्दव ठाकरे साहेबांसोबत आहे.त्यामुळे आगामी विधानसभा  निवडणुकीत सिंदखेडराजा विधानसभा मतदारसंघात भगवा  फडकणार   म्हणजे फडकणारच.👇

सिंदखेडराजाची भूमी महाराष्ट्राला दिशा देणारी भूमी आहे. ही माती गद्दारी सहन करत नाही, त्यामुळे उद्धव साहेबांसोबत आणि पवार साहेबांसोबत गद्दारी करण्यांना मातीत लोळवल्याशिवाय इथली जनता स्वस्थ बसणार नाही असे प्रतिपादन माजी जिल्हा परिषद सदस्य, उबाठा शिवसेनेचे नेते दिलीप वाघ यांनी केले. दिलीप वाघ यांच्या नेतृत्वात सिंदखेडराजा विधानसभा मतदारसंघात मशाल यात्रा निघाली आहे, या मशाल यात्रेदरम्यान आज,१८ सप्टेंबर रोजी दुसरबीड येथे ते बोलत होते. यावेळी उपजिल्हा प्रमुख बद्री बोडखे, तालुका प्रमुख महेंद्र पाटील, युवासेना तालुका प्रमुख सिद्धू आंधळे, महिला आघाडी उपजिल्हा प्रमुख संजीवनीताई वाघ, अनिल मेहेत्रे, महाजी वाघ,शिवाजी देशमुख बाप्पू,हाफिज सय्यद झाकीर यांच्यासह शिवसैनिक व ग्रामस्थ मोठ्या संख्येने उपस्थित होते.