चिखलीत राहुल बोंद्रे यांच्या प्रचार कार्यालयाचे उद्घाटन! राहुल बोंद्रे लढवय्ये नेते, पाठीशी उभे रहा! धृपतराव सावळेंचे आवाहन...

 चिखली(बुलडाणा लाइव्ह वृत्तसेवा): चिखली विधानसभा मतदारसंघात ५० वर्षे काँग्रेस सत्तेत होती. काँग्रेस पक्ष फुले शाहू आंबेडकरांच्या विचारांवर चालणारा पक्ष आहे. काँग्रेसने संविधान व लोकशाही वाचवण्यासाठी तसेच शेतकरी व कष्टकऱ्यांच्या न्याय हक्कासाठी सदैव लढा दिला आहे..त्यामुळे काँग्रेस पक्षाशी आपली नाळ सदैव जोडून ठेवणाऱ्या राहुल बोंद्रे यांच्या पाठीशी ताकदीने उभे राहावे असे आवाहन माजी आमदार धृपतराव सावळे यांनी केले. चिखली विधानसभा मतदारसंघाचे महाविकास आघाडीचे अधिकृत उमेदवार राहुल बोंद्रे यांच्या प्रचार कार्यालयाच्या उद्घाटन प्रसंगी ते बोलत होते. यावेळी राष्ट्रवादी काँग्रेस शरद पवार पवार गटाच्या जिल्हाध्यक्षा माजी आमदार सौ. रेखाताई खेडेकर, शिवसेनेचे संपर्क प्रमुख प्रा. नरेंद्र खेडेकर, अखिल भारतीय बुध्दीष्ट सोसायटी इंडीयाचे चेअरमन संदेश आंबेडकर, भाई प्रदिप आंभोरे, ज्योतीताई खेडेकर, नितीन शिंगणे आदी मान्यवरांची प्रमुख उपस्थिती होती.