मलकापुरातून मनिष लखानींच्या नावावर जनमनाची मोहर! लखानींचे नाव समोर येताच भाजप कार्यकर्त्यांमध्ये संचारला उत्साह...

मलकापूर मतदार संघ भाजपचा बालेकिल्ला मानला जातो. गत २०१९ च्या विधानसभा निवडणुकीचा अपवाद वगळता भाजपने हा गड कायम आपल्याच ताब्यात ठेवला होता. आता पुन्हा एकदा चैनसुख संचेती इच्छुक असले तरी "चेहऱ्यात बदल हवा" ही प्रामाणिक इच्छा शेकडो भाजप कार्यकर्त्यांची आहे. शिवचंद्र तायडे इच्छुक असले तरी ते काँग्रेस मधून भाजपवासी झाले आहेत. भाजप विचारधारेचा आणि तायडे यांचा तसा अर्थाअर्थी संबंध नाही. शिवाय तायडे यांचे गतकाळात व्हायरल झालेले काही व्हिडिओ देखील त्यांच्यासाठी अडचणीचे ठरत आहेत. त्यामुळे संचेती नको ,तायडे नको आम्हाला नवा चेहरा द्या असा आग्रह भाजपच्या कार्यकर्त्यांचा आहे..हाच आग्रह भाजपच्या पारंपारिक मतदारांचा सुद्धा आहे. या पार्श्वभूमीवर मनिष लखानी यांच्या नावावर भाजपच्या शीर्ष नेतृत्वाकडून शिक्का-मोर्तब होण्याची दाट शक्यता आहे.