बुलडाण्याच्या सर्वव्यापी, सर्वस्पर्शी विकासासाठी मशाल पेटवा! जयश्रीताईंचे आवाहन! म्हणाल्या, दडपशाही झुगारून मतदान करा; सागवन, कोलवडमध्ये प्रचार रॅलीला उदंड प्रतिसाद....

 मोजक्या लोकांना सुविधांचा लाभ झाला म्हणजे विकास होत नाही तर विकासाची खरी व्याख्या ही सर्व समाजघटकांना मुख्य प्रवाहात आणणे ही आहे. सर्वसामान्य अजूनही मूलभूत सुविधांपासून वंचित असताना जनतेच्या पैशांची उधळपट्टी करण्याचे काम बुलडाणा विधानसभा मतदारसंघात झाल्याचे त्या म्हणाल्या. राज्यात आणि केंद्रात आंधळे सरकार आहे. महागाईने जनता वैतागली आहे, शेतकऱ्यांच्या मालाला भाव नाही, महिला सुरक्षित नाहीत, तरुणांच्या हाताला काम नाही, महाराष्ट्रातील रोजगार गुजरात मध्ये पळवण्याचे काम सुरू आहे या सगळ्या बाबींना महाविकास आघाडी सरकार हेच एकमेव उत्तर आहे. त्यामुळे २० नोव्हेंबरला मशाल पेटवा आणि सेवेची संधी द्या.. दडपशाहीला झुगारून मतदान करा असेही जयश्रीताई शेळके म्हणाल्या. यावेळी महाविकास आघाडीचे पदाधिकारी मोठ्या संख्येने उपस्थित होते.