मातृतीर्थाचा चेहरा मोहरा बदलण्याची जबाबदारी माझी! महाराष्ट्राला हेवा वाटेल असा मतदारसंघ बनवणार; डॉ.शशिकांत खेडेकरांचे प्रतिपादन !

 बुलडाणा(बुलडाणा लाइव्ह वृत्तसेवा): सिंदखेडराजा मतदारसंघाची संपूर्ण महाराष्ट्राला ओळख आहे ती छत्रपती शिवरायांना घडवणाऱ्या राष्ट्रमाता जिजाऊंमुळे...विकासाचे व्हिजन असते तर सिंदखेड राजा मध्ये पर्यटकांचा ओढा वाढला असता, परिणामी अनेकांच्या हाताला काम लागले असते मात्र दूरदृष्टीच्या अभावी सिंदखेडराजाचा विकास रखडला आहे. एवढे गतवैभव इतिहासाने आपल्याला उपलब्ध करून दिलेले असताना देखील २५ वर्षांत त्यांनी एक काम धड केले नाही..त्यापेक्षा जास्त कामे मी माझ्या ५ वर्षांच्या कार्यकाळात केली. आता मायबाप जनतेने आशीर्वाद दिल्यास सिंदखेडराजा मतदार संघाचा चेहरा मोहरा बदलण्याची जबाबदारी माझी.. सबंध महाराष्ट्राला हेवा वाटेल एवढी कामे या मतदारसंघात करू असे प्रतिपादन सिंदखेडराजा विधानसभा मतदारसंघाचे महायुतीचे अधिकृत उमेदवार डॉ.शशिकांत खेडेकर यांनी केला. सिंदखेडराजा विधानसभा मतदारसंघातील लोणार तालुक्यांतील वीरपांग्रा, महारचिकना यासह विविध गावात आज,७ नोव्हेंबरला त्यांचा प्रचार दौरा संपन्न झाला, यावेळी गावकऱ्यांशी संवाद साधताना ते बोलत होते.