अठरा पगड जाती डॉ. ऋतुजा चव्हाण यांच्यासाठी एकवटल्या! ही लढाई शेतकऱ्यांच्या हक्कासाठी! डॉ.ऋतुजा चव्हाण यांचे प्रतिपादन; शेतकरी चळवळ डॉ.ऋतुजा चव्हाण यांच्या पाठीशी;

 "गेली ३० वर्षे विरोधकांनी या मतदारसंघाला मागासलेले ठेवले. मतदारसंघात धड रस्ते नाहीत, की लोकांना पाणी नाही. आरोग्याची तर अतिशय दुरवस्था आहे. मतदारसंघात कधी नव्हे तो जातीयवाद माजलेला आहे. दादागिरी व गुंडगिरी बोकाळलेली आहे. शेजारच्या चिखली व बुलढाणा मतदारसंघात जोरदार विकास होऊ शकतो, तर मेहकर-लोणारमध्ये का नाही? विकासाचा हा अनुशेष भरून काढण्यासाठीच आपण विधानसभेची निवडणूक लढवत आहोत, आणि आपली भूमिका सर्व मायबाप मतदार जनतेला पटलेली आहे. येत्या २० तारखेला ही जनताच मला मतदान यंत्रातून भरभरून आशीर्वाद देतील. माझ्याबाबत काहीही अफवा पसरविणार्‍यांना जनतेचे मतदान हेच उत्तर असेल असे डॉ.ऋतुजा चव्हाण ठणकावून सांगत आहेत. कोणत्याही अफवांवर विश्वास न ठेवता मतदानरुपी आशीर्वाद द्यावे अशी विनंतीही डॉ.ऋतुजा चव्हाण यांनी केली आहे..