मंत्री आकाश फुंडकरांकडे भाजपने सोपवली विशेष जबाबदारी! बुलडाणा जिल्ह्यासाठी करावे लागणार खास काम...

   स्वर्गीय भाऊसाहेब फुंडकर यांचा वारसा समर्थपणे चालवणारे आकाश कुंडकर आता मुख्यमंत्री देवेंद्र फडणवीस यांच्या नेतृत्वाखालील मंत्रिमंडळात कामगार मंत्री म्हणून कार्यरत आहेत. संजय कुटे, श्वेताताई महाले ही नावे मंत्री पदासाठी आघाडीवर असताना एकाएकी आकाश फुंडकर यांचे नाव मंत्री पदासाठी समोर आले होते. आता भाजपने आकाश फुंडकर यांच्यावर पुन्हा महत्त्वाची जबाबदारी सोपवली आहे. प्रदेश अध्यक्ष चंद्रशेखर बावनकुळे यांनी आकाश फुंडकर यांना बुलढाणा जिल्ह्यासाठी "संपर्क मंत्री" म्हणून नियुक्त केले आहे. बुलडाणा जिल्ह्यातील पक्ष संघटन  व सरकारमधील समन्वय साधण्याचे काम आकाश फुंडकर यांना करावे लागणार आहे.