चिंताजनक! मातृतीर्थ जिल्ह्यात महिलांवरील अत्याचार वाढले! ८ महिन्यांत तब्बल "एवढ्या" बहिणींची इज्जत लुटली! आकडा घाम फोडणारा.....
बुलडाणा जिल्हा पोलिसांनी दिलेल्या माहितीनुसार जानेवारी ते ऑगस्ट दरम्यान ८१ बहिणींची इज्जत लुटल्या गेली. तशी नोंद जिल्ह्यातल्या विविध पोलीस ठाण्यात आहे. ८१ पैकी ८१ प्रकरणातील आरोपी जेरबंद करण्यात पोलिसांना यश आलेले आहे. गेल्यावर्षी याच कालावधीत बलात्काराच्या ६८ गुन्ह्यांची नोंद पोलीस दफ्तरी होती, यंदा त्यात १९ टक्यांची वाढ होणे हे चिंताजनक आहे.
विनयभंगाची प्रकरणीही मोठी....
दरम्यान बलात्कारापाठोपाठ महिला - मुलींची छेड काढणे अर्थात विनयभंगाच्या घटनाही वाढल्या आहेत. डोळा मारणे, वाईट उद्देशाने पकडणे, जवळ ओढणे, जबरदस्ती करण्याचा प्रयत्न करणे किंवा अश्लील चाळे करणे अशी प्रकरणे विनयभंग म्हणून नोंदवली जातात.
शाळा, कॉलेज, ट्युशन क्लास अशा ठिकाणी असे प्रकार अधिक प्रमाणात होतात. विवाहित महिलांच्या बाबतीत देखील अशा घटना घडतात. जानेवारी ते ऑगस्ट या कालावधीत विनयभंगाच्या २९७ घटनांची नोंद आहे. गेल्यावर्षीच्या तुलनेत या गुन्ह्यांत २४ टक्क्यांची वाढ आहे. गेल्यावर्षी याच कालावधीत विनयभंगाचे २४० प्रकरणे नोंदवण्यात आली होती...