मलकापुरात आगलाव्यांची दहशत..!१५ ते २० शेतातील शेतमालाला लावली आग; गुरांचा चाराही जळून खाक.... शेतकऱ्यांच्या स्वप्नांचाही झाला भुगा; आगलाव्याला काय मिळालं?

घीर्णी रोडवरील बेलाड शिवारात हा प्रकार समोर आला. बिलाड शिवारातील शेतकऱ्यांनी शेतमाल तसेच तूर व मक्याचे कुटार साठवून ठेवले होते. या लागोपाठ असणाऱ्या १५ ते २० शेतांमधील शेतमाल अज्ञात भामट्याने पेटवून दिला. सकाळी कामानिमित्त शेतात गेलेल्या शेतकऱ्यांच्या ही बाब निदर्शनास आली, त्यावेळी एकच धांदल उडाली. आग लावणारा विकृत भामटा कोण? याबाबतचा तपास मलकापूर पोलीस करीत आहेत. आता हाती आलेल्या माहितीनुसार एका संशयिताला मलकापूर पोलिसांनी ताब्यात घेतले असून त्याची कसून चौकशी सुरू आहे...