भर दिवसा घर फोडले! पोलिसांचा धाक उरला की नाही? मोताळा तालुक्यातील पिंपळपाटी येथील घटना! बोराखेडी पोलिसांना चोरट्यांचे पुन्हा चॅलेंज....

मागील वर्षभरामध्ये बोराखेडी पोलीस स्टेशन हद्दीमध्ये चोरीच्या घटनांमध्ये मोठ्या प्रमाणात वाढ झाली आहे. शहरासह आता चोरट्यांनी ग्रामीण भागात देखील आपला मोर्चा वढवला आहे. त्यातच काल भर दिवसा पिंपळपाटी येथील संजय नारायण घाटे यांच्या घरातील चोरट्यांनी कपाट फोडून दीड लाखांचे सोन्याचे दागिने व दहा हजार रुपये रोख रक्कम चोरून नेल्याची घटना घडली आहे. सातत्याने होत असलेल्या चोरीच्या घटनांमुळे नागरिकांमध्ये भीतीचे वातावरण निर्माण झाले आहे. वर्षभरामध्ये झालेल्या चोरीच्या घटना मधील काही घटनेतील आरोपीना अद्यापही पोलिसांना पकडण्यात यश आले नाही. त्यामुळे सातत्याने होत असलेल्या चोरीच्या घटनामुळे चोरट्यांना पोलिसांची भीती राहिला नाही का असा प्रश्न आता सर्व सामान्यांना पडला आहे.