LCB ची दमदार कारवाई! अकोला जिल्ह्यातील भामट्याला आणले उचलून; वर्दळीच्या ठिकाणी संधी साधून उरकत होता कार्यभाग...

  सोनाळा पोलीस स्टेशनमध्ये मोटरसायकल चोरीचे विविध गुन्हे दाखल होते. या गुन्ह्याचा समांतर तपास स्थानिक गुन्हे शाखा करीत होती. मिळालेल्या गोपनीय व तांत्रिक माहितीच्या आधारे हिवरखेड येथून कलिम उद्दीन  याला ताब्यात घेण्यात आले. त्याच्या चौकशी अंती त्याने मोटरसायकली चोरी केल्याचे कबूल केले. त्याच्या ताब्यातून चोरीच्या तीन मोटरसायकली जप्त करण्यात आले आहेत. त्याची एकूण किंमत एक लाख ८० हजार रुपये इतकी आहे. आरोपी कलीम उद्दीन हा सराईत चोरटा असल्याचे तपासात समोर आले आहे.  तो बाजारपेठा, बस स्टॅन्ड व इतर वर्दळीच्या ठिकाणी बराच वेळ उभ्या असलेल्या मोटारसायकलीचे निरीक्षण करायचा, चालकांवर लक्ष ठेवून त्याचा कार्यभाग तो उरकत होता. आरोपी सलीम उद्दीन याला स्थानिक गुन्हे शाखेच्या टीमने सोनाळा पोलिसांच्या ताब्यात दिली असून पुढील तपास सुरू आहे..

ही कारवाई पोलीस अधीक्षक विश्व पानसरे, अप्पर पोलीस अधीक्षक बी बी महामुनी बुलडाणा, श्रेणिक लोढा खामगाव यांच्या मार्गदर्शनाखाली स्थानिक गुन्हे शाखेचे पोलीस निरीक्षक अशोक लांडे यांच्या आदेशाने स्थानिक गुन्हे शाखेत कार्यरत सहाय्यक पोलीस निरीक्षक संजय मातोंडकर, पोलीस हेड कॉन्स्टेबल रघुनाथ जाधव, पोलिस कॉन्स्टेबल गोपाल तारुळकर, हर्षल जाधव, शिवानंद हेलगे व तांत्रिक विश्लेषण विभागाचे ऋषिकेश खंडेराव यांच्या पथकाने केली..