तर तुझा मस्साजोगच्या सरपंचासारखा गेम करू! कळंबेश्वरच्या सरपंच पतींना धमकी; तिघांनी गळा आवळला अन्....

प्राप्ती माहितीनुसार सरपंच पती सुभाष खरद हे गावातील अवैध धंदे बंद होण्यासाठी प्रयत्न करत होते. यामुळे अवैध धंदे करणारे गणेश शंकर भराड (४२) व आकाश गोविंद सपकाळ (३०) दोघे चिडलेले होते.३१ डिसेंबर रोजी सरपंच पती सुभाष खुरद गावातीलच एका महिलेच्या अंत्यविधीसाठी स्मशानभूमीत गेले होते, स्मशानभूमीतून बाहेर येत असताना आरोपी गणेश भराड व आकाश सपकाळ यांच्यासह एका अज्ञात आरोपीने सरपंच पतींचा गळा आवळला. खिशातील नगदी २५ हजार , बोटातील सात ग्रॅम वजनाची सोन्याची अंगठी, गळ्यातील सोन्याचा गोफ असा एकूण १ लाख २७ हजारांचा मुद्देमाल जबरीने हिसकावल्याचे तक्रारीत म्हटले आहे. यावेळी आरोपी शंकर भराड याने " तू माझ्या अवैध धंद्यांना विरोध करशील तर तुझा मस्साजोगच्या सरपंचासारखा गेम करून टाकीन" अशी धमकी दिल्याचेही तक्रारीत म्हटले आहे. तक्रारीवरून पोलिसांनी आरोपीं विरुद्ध गुन्हे दाखल केले आहेत...