मलकापूर ग्रामीण हद्दीत २४ तासांत दुसरा दरोडा; धानोऱ्यात किराणा दुकान फोडले, रोकड लंपास...

घटना दुकानातील सीसीटीव्ही कॅमेऱ्यात कैद झाली असून, त्याच्या आधारे पोलिसांकडून अज्ञात चोरट्यांचा शोध सुरू आहे. घटनेची माहिती मिळताच मलकापूर ग्रामीण पोलिसांचे पथक घटनास्थळी दाखल झाले. त्याचबरोबर फिंगरप्रिंट एक्स्पर्ट आणि मोबाईल फॉरेन्सिक पथकानेही घटनास्थळी पाहणी करून पुरावे संकलित केले. दरम्यान, यापूर्वी काटी येथे दरोड्याच्या घटनेत एका व्यक्तीचा मृत्यू झाल्याची घटना ताजी असतानाच धानोऱ्यात पुन्हा चोरीची घटना घडल्याने ग्रामीण भागातील कायदा-सुव्यवस्थेचा प्रश्न ऐरणीवर आला आहे. सलग घडणाऱ्या घटनांमुळे नागरिकांमध्ये भीतीचे वातावरण निर्माण झाले असून, पोलिसांनी आरोपींचा तातडीने शोध घेऊन कठोर कारवाई करावी अशी मागणी नागरिकांकडून होत आहे.