नकली सोने दाखवून १०.४६ लाखांची लूट; सात जणांवर गुन्हा दाखल; अमडापूर पोलिस ठाण्याच्या हद्दीतील घटना; चंद्रपूर येथून सोने खरेदीसाठी आले होते जानेफळ परिसरात..!

१५ ऑगस्ट रोजी अजयने दोन नाणी दाखवली. त्यावर विश्वास ठेवून राजेश व गणेश यांनी १० लाख रुपयांची रोख रक्कम घेऊन व्यवहार करण्याचे ठरवले. १८ ऑगस्ट रोजी रात्री ते चंद्रपूरहून कारने (एम.एच. ३४ बीआर ७२२१) निघाले व १९ ऑगस्टच्या सकाळी जानेफळ परिसरात पोहोचले.

इसोली रस्त्यावर अजयने त्यांना नकली सोने दाखवले. व्यवहारात संशय आल्याने दोघे माघारी फिरत असताना अचानक ५ ते ७ अज्ञात व्यक्तींनी तलवारी, कोयते, चाकू घेऊन त्यांच्यावर हल्ला केला. या हल्ल्यात गणेश मडावी गंभीर जखमी झाले. आरोपींनी १० लाख रुपये रोख, मोबाइल फोन, कारची चावी, घड्याळ व रोख रक्कम असा एकूण १०.४६ लाख रुपयांचा ऐवज लुटून पलायन केले. अशी फिर्याद नगराळे यांनी अमडापूर पोलिस ठाण्यात दिली.

सात संशयितांचा समावेश
या घटनेत इनेश सुभाष पवार, सुभाष पवार (दोघे रा. दधम, ता. खामगाव), जगन शिंदे आणि उमेश शिंदे (दोघे रा. धानोरी, ता. चिखली) अशी नावे समोर आली आहेत. त्यांच्यासोबत आणखी तीन अज्ञात आरोपी असल्याचेही स्पष्ट झाले. फिर्यादीने पोलिसांना आरोपींचे वर्णन सांगितले.
लूटमारीची घटना घडल्यानंतर नगराळे व मडावी या दोघांनी अमडापूर पोलिस ठाण्यात जाऊन घटनेची माहिती दिली. त्यावेळी पोलिसांनी त्यांच्या मोबाइलमधील संशयितांचे फोटो त्या दोघांना दाखवले. फोटोंपैकी चार जणांना ओळखून नगराळे व मडावी यांनी त्यांची पुष्टपरिसरा