सुनगावात राहत्या घरातच साठवला गुटखा, पाेलिसांनी केला जप्त ! आरोपी पसार, एक लाख रुपयांचा एवज जप्त, गुन्हा दाखल...
Updated: Jul 8, 2025, 15:13 IST
जळगाव जामोद(बुलडाणा लाइव्ह वृत्तसेवा): पाेलीस स्टेशन अंतर्गंत येत असलेल्या सुनगाव येथे एकाने राहत्या घरातच प्रतिबंधीत गुटख्याचा साठा केला. जळगाव जामाेद पाेलिसांना याची माहिती मिळताच पाेलिसांनी ६ जुलै राेजी धाड टाकून एक लाख २ हजार ५८३ रुपयांचा गुटखा जप्त केला आहे. पाेलिसांनी एवज जप्त केला असला तरी आराेपी मात्र, घटनास्थळावरून पसार झाला. या प्रकरणी रामदास बळीराम मानकर विरुद्ध विविध कलमान्वये गुन्ह दाखल करण्यात आला आहे.
सुनगाव गावामध्ये एका घरामध्ये मोठ्या प्रमाणात प्रतिबंधित असलेला गुटखा विक्रीकरिता साठवून ठेवल्याची माहिती पाेलिसांना मिळाली. या माहितीवरून जळगाव जामोद पोलीस स्टेशनचे ठाणेदार श्रीकांत निचळ सहकारी पीएसआय प्रशांत शेंडगे,बीट जमादार शेख इरफान,पोलीस कॉन्स्टेबल सचिन राजपूत, पोलीस कॉन्स्टेबल स्वप्नील झुंजारकर यांनी घटनास्थळावर छापा टाकला. यावेळी सुनगाव येथील आरोपी रामदास बळीराम मानकर यांच्या घरामध्ये १ लाख २ हजार ५८३ रुपयांचा अवैध प्रतिबंधित गुटखा सापडला. या कारवाई दरम्यान आरोपी रामदास बळीराम मानकर वय ३८ राहणार सुनगांव हा पळून गेला. त्याच्या राहत्या घरातुन वाह पान मसाला १२ हजार ६०० रूपये किंमत,डब्लूच्युविंग १ हजार ८७५, केसरी युक्त विमल पान मसाला ७ हजार १२८ रूपये किंमत ,सुगंधीत तंबाखू ७४८ रूपये किंमतीचे, केसरी फक्त विमान पान मसाला ५७ हजार ७८३ रूपये किंमत,वी-१ सुगंधीत तंबाखू १हजार ६५ रूपये किंमत,११ हजार ३०४ किमतीचे केसर युक्त विमल पान मसाला,१२० रूपये किंमतीचे वी-१ सुगधीत तंबाखू,९६० रूपये किंमतीचे अन्नी गोल्ड सुपारी असा एकूण १ लाख २ हजार ५८३ रुपयाचा प्रतिबंधित गुटखा पाेलिसांनी जप्त केला आहे. .
या प्रकरणी अन्नसुरक्षा अधिकारी गुलाबसिंग वसावे यांनी जळगाव जामोद पोलिस स्टेशनला फिर्याद दिली. त्यावरून पाेि
दिल्याने रामदास बळीराम मानकर याच्या विरुद्ध अन्नसुरक्षा कायदा २००६ चे कलम २६(२),(I)सहवाचन कलम २६(२),(iv)सहवाचन कलम २७(३)(d),सहवाचन कलम २७(३)(e),सहवाचन कलम ३(१)(zz)(iv),५९ अन्वये गुन्हा तसेच भारतीय न्याय संहितेच्या कलम २२३,२७४,२७५,१२३ अन्वये गुन्हा दाखल करण्यात आला आहे. पुढील तपास ठाणेदार श्रीकांत निचड यांचे मार्गदर्शनात पीएसआय प्रशांत झेंडगे करीत आहेत.