विवाहितेचा सासरच्या मंडळींकडून छळ; गर्भावस्थेत मारहाणीमुळे बाळाचा मृत्यू, तलाक व जीवे मारण्याच्या धमक्या, सात जणांविरुद्ध गुन्हा दाखल...

यानंतर फिर्यादी मावशीकडे राहत असताना आरोपी पती, दिर, सासू-सासरे व इतर नातेवाईक मावशीच्या घरी येऊन, “तुला नांदवणार नाही, इथून निघून जा, मला दुसरे लग्न करायचे आहे” असे म्हणत “तलाक, तलाक, तलाक” उच्चारून बेकायदेशीर तलाक दिल्याचे सांगितले. तसेच फिर्यादी व तिच्या कुटुंबीयांना जीवे मारण्याच्या धमक्याही देण्यात आल्याचे फिर्यादीत नमूद आहे. जफर मजहरमियाँ कुरेशी (पती),मजहरमियाँ मुसा कुरेशी (सासरे), शमशाद मजहरमियाँ कुरेशी (सासू), जुबेर मजहरमियाँ कुरेशी (दिर),निजाम कुरेशी (नंदई),शहाणा निजाम कुरेशी (नणंद), शाहेदा शकील सौदागर (सर्व रा. बाराभाई गल्ली, अंबाजोगाई, जि. बीड) यांच्या विरुध्द   भारतीय न्याय संहिता (BNS) कलम 85, 74, 333, 115(2), 352, 3(5) तसेच मुस्लिम महिला (विवाह अधिकार संरक्षण) अधिनियम 2019 कलम 3 व 4 अंतर्गत गुन्हा दाखल करण्यात आला आहे.
 सदर गुन्हा दि. १ जानेवारी २०२६ रोजी   दाखल करण्यात आला असून, पुढील तपास ठाणेदार ब्रम्हा गिरी यांच्या मार्गदर्शनात  तपास हेड कॉन्स्टेबल विनोद गवई करीत आहेत.