अंथरुणात मण्यार जातीचा विषारी साप निघाला; ५ वर्षीय बालकाचा मृत्यू. इसरूळ येथील घटना!

 अत्यंत गरीब परिस्थितीत आपला उदरनिर्वाह चालवत असलेले शेख महेबूब शेख गफूर नेहमीप्रमाणे घरामध्ये खाली अंथरूण टाकून त्यांचा ५ वर्षीय मुलगा अल्तमास व ते एकाच गोधडीवर झोपलेले होते. साडेपाच वाजेच्या दरम्यान त्यांना त्यांच्या मुलाच्या रडण्याने जाग आली. उठून पहाले असता त्यांना अंथुरणावर तो साप दिसला. मुलाला कुठे साप चावला का म्हणुन त्याचे निशाण शोधले असता त्यांना दिसून आले नाही. लगेच त्या सापास मारून सोबत घेऊन मुलाला उपचारासाठी चिखली येथे प्रथम डॉ.दळवी, डॉ. धनवे व नंतर योगीराज हॉस्पिटल येथे भरती करण्यात आले परंतू साप खूपच विषारी असल्याने व सकाळचा वेळ असल्यामुळे त्यावर वेळीच उपचार न झाल्याने त्या बालकाच्या दुर्दैवी असा अंत झाला.ह्या घटनेने गावात सर्वत्र हळहळ व्यक्त होत आहे.