गाैण खनिजाचे अवैध उत्खनन भाेवले; सात महिन्यात सात काेटी १० लाखांचा दंड केला वसूल; ५४ जणांविरुद्ध केले गुन्हे दाखल! एक काेटी १८ लाखांच्या दंडाची वसुली शिल्लक ...
Aug 15, 2025, 11:36 IST
बुलढाणा (बुलडाणा लाइव्ह वृत्तसेवा) : जिल्हाभरात सुरू असलेल्या गाैण खनिजाच्या उत्खननावर महसून प्रशासनाने धडक कारवाई सुरू केली असून सात महिन्यात ७१६ कारवाया करण्यात आला. यामध्ये अवैध उत्खनन करणाऱ्यांवर दंडात्मक कारवाई करून ८ काेटी २९ लाख ३४ हजार १९८ रुपयांचा दंड ठाेठावण्यात आला आहे. तसेच ४५ जणांवर थेट गुन्हे दाखल करण्यात आले असून सात काेटी १० लाख ७३ हजार रुपयांचा दंड वसुल करण्यात आला आहे. तसेच एक काेटी १८ लाख ६० हजार ५०० रुपयांच्या दंडाची वसुली महसूल विभागाकडून सुरू आहे.
महसूल विभागाच्या वतीने राबवण्यात आलेल्या या मोहिमेत २,०९२ ब्रास वाळू साठा जप्त करण्यात आला. जप्त वाळूपैकी ६९२ लाभार्थ्यांना घरकुल बांधणीसाठी मोफत वाळू वाटप करण्यात आले. बुलढाणा, देऊळगाव राजा, सिंदखेडराजा, लोणार, मेहकर, मलकापूर, खामगाव, शेगाव, जळगाव जामोद, संग्रामपूर, नांदुरा आणि चिखली तालुक्यांत ही मोहीम राबवण्यात आली आहे.तसेच रेती तस्कारांविरुद्धही महसूल प्रवशानाची कारवाई सुरूच असते. यापुढेही कारवाई सुरूच ठेवण्यात येणार असल्याचे महसूल विभागाने स्पष्ट केले आहे.