दारूच्या नशेत 112 वर फोन अन् पोलिसांना थेट गावात धावायला लावले! खोटी माहिती देणाऱ्या तरुणावर गुन्हा दाखल...
माहिती मिळताच बोरखेडी पोलीस ठाण्याचे पोलीस अंमलदार पोहेका दिलीप तडवी (ब.नं. 978) आणि पोका संदीप ढोले (ब.नं. 2499) यांनी तातडीने घटनास्थळी धाव घेतली. मात्र, घटनास्थळी पोहोचल्यानंतर पोलिसांनी केलेल्या शहानिशेत संबंधित माहितीमध्ये कोणतेही तथ्य नसल्याचे समोर आले. तपासादरम्यान प्रमोद सुरडकर याने दारूच्या नशेत विनाकारण 112 वर फोन करून पोलिसांना खोटी माहिती दिल्याचे निष्पन्न झाले. त्यामुळे पोलिसांनी त्याच्याविरुद्ध कायदेशीर कारवाई केली.
112 वर खोटा फोन; आता थेट पोलिस ठाण्यात गुन्हा!
याप्रकरणी बोरखेडी पोलीस ठाण्यात अप. क्र. 385/2026 नुसार महाराष्ट्र दारूबंदी कायदा 1949 मधील कलम 85 तसेच भारतीय न्याय संहिता (BNS) 2023 मधील कलम 212 अन्वये गुन्हा दाखल करण्यात आला आहे.या प्रकरणाचा पुढील तपास बोरखेडी पोलीस स्टेशनचे ठाणेदार सिताराम मेहेत्रे यांच्या मार्गदर्शनाखाली तपास अधिकारी पोहेका दिलीप तडवी (ब.नं. 978) करीत आहेत.
112 म्हणजे टाईमपासचा नंबर नाही!
‘डायल 112’ हा नागरिकांच्या तातडीच्या मदतीसाठी असलेला आपत्कालीन क्रमांक आहे. या क्रमांकावरून मिळणाऱ्या प्रत्येक कॉलकडे पोलीस यंत्रणा गांभीर्याने पाहते. मात्र, खोटी अथवा बनावट माहिती देऊन पोलिसांचा वेळ व मनुष्यबळ वाया घालवणाऱ्यांवर आता कायदेशीर कारवाई केली जाईल, असा स्पष्ट इशारा पोलिसांनी दिला आहे.दारूच्या नशेत केलेला एक फोन थेट गुन्ह्यापर्यंत पोहोचल्याने ‘डायल 112’ चा गैरवापर करणाऱ्यांसाठी हा प्रकार चांगलाच धडा ठरला आहे.