देऊळगाव घुबे, अमोना, पिंपळवाडी परिसरात रात्रीच्या सुमारास गावावर ड्रोनच्या घिरट्या? पोलीस अनभिज्ञ! गावकऱ्यामध्ये भीतीचे वातावरण

 देऊळगाव घुबे (ऋषी भोपळे:बुलडाणा लाइव्ह वृत्तसेवा): जिल्ह्यातच नव्हे मराठवाडा परिसरातील अनेक गावांवर रात्रीच्या सुमारास ड्रोनच्या घिरट्या चालू असल्याच्या बातम्या येत आहेत. आता रात्री देऊळगाव घुबे, पिंपळवाडी , अमोना या गावांवर रात्रीच्या सुमारास ३ ते ४ ड्रोन घिरट्या घालत होते. गावकऱ्यांमध्ये यामुळे भीतीचे वातावरण पसरले आहे. दरम्यान या संदर्भात बुलडाणा लाइव्ह ने पोलिसांशी संपर्क साधला असता पोलीस या प्रकाराबद्दल अनभिज्ञ असल्याचे समोर आले.