मृत्यूचे तांडव! भरधाव एसटी बसने दुचाकीला उडवले! केळवद येथील दोघांचा जागीच मृत्यू, १ गंभीर जखमी! मेरा फाट्यावर झाला अपघात...
Sep 23, 2024, 18:21 IST
चिखली(ऋषी भोपळे:बुलडाणा लाइव्ह वृत्तसेवा): चिखली तालुक्यातील मेरा खुर्द फाट्यावर आज २३ सप्टेंबरच्या दुपारी भीषण अपघात झाला. भरधाव एसटी बसने दुचाकीला पाठीमागून धडक दिली. या अपघातात दुचाकीस्वार दोघांचा जागीच मृत्यू झाला तर एक जण गंभीर जखमी आहे. मृतक व जखमी केळवद येथील राहणारे आहेत..राजू खोलगडे (४५)नंदू सगट(३७) अशी मृतकांची नावे आहेत तर ज्ञानेश्वर धोमाळकर(४०) हे जखमी झाले आहेत.
प्राप्त माहितीनुसार संभाजीनगर ते नागपूर ही गाडी चिखली कडे येत होती. त्याचवेळी केळवद येथील उपरोक्त तिघे मोटरसायकलने चिखली कडे येत होते. मेरा खुर्द जवळील वळणावर एसटी बसने समोरील दुचाकीला धडक दिली. या अपघातात दोघांचा जागीच मृत्यू झाला, घटनेची माहिती मिळताच अंढेरा पोलिसांनी घटनास्थळी धाव घेतली. मृतदेह उत्तरीय तपासणीसाठी चिखली येथे पाठवण्यात आले असून जखमींना वैद्यकीय उपचारासाठी हलवण्यात आले आहे.