बनावट कीटकनाशक प्रकरणाची उच्चस्तरीय चौकशी करा; दोषींवर कठोर कारवाईची मागणी – डॉ. गोपाल बच्छीरे

बनावट कीटकनाशकांमुळे पिकांवरील किडीचे नियंत्रण न होता उलट पिकांचे नुकसान होत असून शेतकऱ्यांचे आर्थिक व मानसिक नुकसान वाढत असल्याची बाबही त्यांनी मांडली आहे. त्यामुळे या प्रकरणाची उच्चस्तरीय चौकशी करून दोषींवर फौजदारी गुन्हे दाखल करावेत, तसेच लोणार व परिसरातील कृषी सेवा केंद्रांची कृषी विभागाच्या भरारी पथकाकडून आकस्मिक तपासणी करावी, अशी मागणी करण्यात आली आहे.

हे प्रकरण कोणत्याही दबावाखाली दडपले जाणार नाही, याची शासनाने दखल घ्यावी आणि बळीराजाला लुटणाऱ्या माफियांवर कठोर कारवाई करून शेतकऱ्यांना न्याय द्यावा, असेही डॉ. बच्छीरे यांनी निवेदनात म्हटले आहे.

यावेळी शहर प्रमुख गजानन जाधव, तालुका निवडणूक समन्वयक सुदन अंभोरे, शहर संघटक तानाजी मापारी, युवा शहर प्रमुख श्रीकांत मदनकर, इकबाल कुरेशी, अवेस कुरेशी, अशफाक खान यांच्यासह शिवसैनिक उपस्थित होते.