नांदुऱ्यात रक्तपात! इंस्टाग्राम वर स्टोरी ठेवली म्हणून मुलीच्या भावाने तरुणाला बेदम ठोकले;डोक्यात दगड घातला...

वाद विकोपाला जाऊ नये म्हणून ऋतिकचे वडील संजय बिराडे यांनी मध्यस्थी करण्याचे ठरवले. बाप-लेक दोघेही डॉ. मानकर हॉस्पिटलसमोरील संचेती ले-आऊट भागात पोहोचले. यावेळी ऋतिकचे वडील अतिशय संयमाने सक्षमची समजूत काढत असताना आरोपी सक्षमने रागाच्या भरात जमिनीवर पडलेला एक मोठा दगड उचलून ऋतिकच्या डोक्यावर प्रहार केला. त्यामुळे ऋतिकच्या डोक्यातून रक्ताची धार वाहू लागली. यावेळी त्यांच्या डाव्या खांद्यावर आणि डाव्या हातावरही दगडाने मारहाण करण्यात आली. तसेच आरोपी रणवीर वानखडे आणि त्याचे इतर दोन मित्रांनी ऋतिकची गचांडी पकडून ठेवली. तर सक्षमने लाथाबुक्क्यांनी बेदम मारहाण करून जीवे मारण्याची धमकी देखील दिली. याप्रकरणी ऋतिक बिराडे याने नांदुरा पोलिसांत दिलेल्या तक्रारीवरून पोलिसांनी उपरोक्त आरोपींविरुद्ध भारतीय न्याय संहितेच्या कलम ११८ (१), ११५ (२), ३५२, ३५१ (२) (३), ३(५) अन्वये गुन्हा दाखल केला आहे. पुढील तपास पोलीस अंमलदार सय्यद मोहिद्दीन हे करीत आहेत.