चिखली, खोर, वाघजळ, दहीदमध्ये आढळले कोरोनाबाधित!

बुलडाणा (बुलडाणा लाइव्ह वृत्तसेवा) ः जिल्ह्यात आज, 22 जुलैला नवे 4 पॉझिटिव्ह रुग्ण समोर आले असून, 5 रुग्ण बरे झाल्याने त्यांना रुग्णालयातून सुटी देण्यात आली आहे. प्रयोगशाळेत तपासणीसाठी पाठविलेल्या व रॅपिड अँटिजेन टेस्ट किटद्वारे तपासलेल्या अहवालांपैकी एकूण 842 अहवाल प्राप्त झाले आहेत. यापैकी 838 अहवाल कोरोना निगेटिव्ह असून, 4 अहवाल पॉझिटिव्ह प्राप्त आले आहेत. प्राप्त …
 
चिखली, खोर, वाघजळ, दहीदमध्ये आढळले कोरोनाबाधित!

बुलडाणा (बुलडाणा लाइव्ह वृत्तसेवा) ः जिल्ह्यात आज, 22 जुलैला नवे 4 पॉझिटिव्‍ह रुग्‍ण समोर आले असून, 5 रुग्‍ण बरे झाल्याने त्‍यांना रुग्‍णालयातून सुटी देण्यात आली आहे.

प्रयोगशाळेत तपासणीसाठी पाठविलेल्या व रॅपिड अँटिजेन टेस्ट किटद्वारे तपासलेल्या अहवालांपैकी एकूण 842 अहवाल प्राप्त झाले आहेत. यापैकी 838 अहवाल कोरोना निगेटिव्ह असून, 4 अहवाल पॉझिटिव्ह प्राप्त आले आहेत. प्राप्त पॉझिटिव्ह अहवालांमध्ये प्रयोगशाळेतील 3 व रॅपीड टेस्टमधील 1 अहवालाचा समावेश आहे. निगेटिव्ह अहवालांमध्ये प्रयोगशाळेतून 562 तर रॅपिड टेस्टमधील 276 अहवालांचा समावेश आहे.

पॉझिटिव्‍ह आलेले अहवाल
चिखली शहर : 1, चिखली तालुका : खोर 1, मोताळा तालुका : वाघजळ 1, बुलडाणा तालुका : दहीद 1 अशाप्रकारे जिल्ह्यात 4 रुग्ण आढळले आहेत.

पाच रुग्‍ण झाले बरे…
आज 5 रुग्णांनी कोरोनावर मात केल्यामुळे त्यांना वैद्यकीय प्रोटोकॉलप्रमाणे सुटी देण्यात आली आहे. आजपर्यंत 624139 रिपोर्ट निगेटिव्ह प्राप्त झाले आहेत. त्याचप्रमाणे आजपर्यंत 86539 कोरोनाबाधित रुग्ण कोरोना निगेटिव्ह असल्यामुळे त्यांना वैद्यकीय प्रोटोकॉलप्रमाणे सुटी देण्यात आली आहे. आज रोजी 895 नमुने कोविड निदानासाठी घेण्यात आले आहेत. जिल्ह्यात आज अखेर एकूण 87227 कोरोनाबाधित रुग्ण असून, जिल्ह्यात सद्यःस्थितीत कोविडचे 19 सक्रीय रुग्ण उपचार घेत आहेत. आजपर्यंत 669 कोरोनाबाधितांचा मृत्यू झाला आहे, अशी माहिती निवासी उपजिल्हाधिकारी यांनी दिली आहे.