Breaking बुलढाण्यात तणाव वाढला! आमदार संजय गायकवाड समर्थकांसह पोलिस ठाण्याला घालणार घेराव; पोलिस अधिकारी आमदार गायकवाडांच्या भेटीला "मातोश्री" वर..! बुलढाण्यात पोलिस बंदोबस्त वाढवला...

 कालच बुलडाणा शहर पोलीस ठाण्यात आमदार संजय गायकवाड यांच्याविरुद्ध "बाप" विधानावरून गुन्हा दाखल झाला होता. दरम्यान यावर काय बोलायचे ते उद्या बोलेन असे काल आमदार गायकवाड पत्रकारांशी बोलताना म्हणाले होते. त्यामुळे आज आमदार गायकवाड काय भूमिका घेतात याकडे सगळ्यांचे लक्ष लागून होते. आता आमदार संजय गायकवाड आणि समर्थकांनी पोलिस ठाण्याला घेराव घालण्याची तयारी केली असल्याचे समोर येत आहे. मातोश्री जनसंपर्क कार्यालयावर समर्थकांनी गर्दी केली असून बुलढाण्यात पोलिस बंदोबस्त वाढवण्यात आला आहे. अप्पर पोलीस अधीक्षक अमोल गायकवाड, उपविभागीय पोलीस अधिकारी विलास यामावर आमदार गायकवाड यांच्याशी चर्चा करण्यासाठी मातोश्री जनसंपर्क कार्यालयावर पोहचले आहेत.

पोलिस अधिकारी पायीच पोहचले आमदार गायकवाडांच्या कार्यालयात...

आमदार संजय गायकवाड यांच्या मातोश्री जनसंपर्क कार्यालयावर हालचाली गतिमान झाल्याची माहिती पोलिसांनी बंदोबस्त वाढवला आहे.पोलिसांच्या पूर्वनियोत कार्यमानुसार आज बुलडाणा पोलिसांचा रूटमार्च होता. मात्र आमदार संजय गायकवाड यांच्या संभाव्य घेराव आंदोलनाच्या पार्श्वभूमीवर रूट मार्च तात्पुरता स्थगित करण्यात आला. बुलडाणा शहर पोलिस ठाण्यापासून अप्पर पोलीस अधीक्षक अमोल गायकवाड,उपविभागीय अधिकारी श्री यामावर घाईघाईत आमदार गायकवाडांच्या कार्यालयात पायीच निघाले अन् पायीच पोहचले....