शिवसेना जिल्हाप्रमुख जालिंधर बुधवंत म्हणाले,शिवसेना सत्तेसाठी नाही तर समाजासाठी! नागरे कुटुंबीयांना मदत नव्हे तर कर्तव्यनिधी..

 शिवणी आरमाळ (बुलडाणा लाइव्ह वृत्तसेवा): ८० टक्के समाजकारण आणि २० टक्के राजकारण ही शिवसेनेची शिकवण आहे. शिवसेनेचा जन्म हा समाजासाठी आहे, सत्ता असो वा नसो पण समाज महत्त्वाचा आहे. त्यामुळे सामाजिक जाणीवेतूनच स्व. कैलास नागरे यांच्या कुटुंबीयांना जिल्हा शिवसेनेने कर्तव्यनिधी दिला आहे अशा भावना शिवसेना जिल्हाप्रमुख जालिंदर बुधवंत यांनी व्यक्त केल्या. शिवणी आरमाळ येथे शहीद शेतकरी स्व. कैलास नागरे यांच्या कुटुंबीयांना शिवसेना जिल्हाप्रमुख जालिंधर बुधवंत यांच्या पुढाकारातून जिल्हा शिवसेनेच्या वतीने ५ लक्ष रुपयांची बचत ठेव स्वरूपातील निधी विरोधी पक्षनेते अंबादास दानवे यांच्या हस्ते सुपूर्द करण्यात आला. यावेळी माध्यमांशी बोलताना भावना व्यक्त करताना ते बोलत होते..