ज्या गाडीतून तहसीलदार अवैध रेतीवाहतूक रोखण्यासाठी जातात त्या गाड्याच रेतीमाफीयांच्या;

सिंदखेडराजा (बाळासाहेब भोसले: बुलडाणा लाइव्ह वृत्तसेवा): खडकपूर्णा नदीवरील अवैध रेती उपसा आणि वाहतूक रोखण्याची जबाबदारी तहसीलदारांची आहे. मात्र तहसीलदार जबाबदारी पार पाडत नाहीत. त्यांचे रेतीमाफीयांसोबत अर्थपूर्ण संबंध आहेत. नाममात्र लोकांवर कारवाई करतात मात्र खऱ्याखुऱ्या अवैध रेतीमाफीयांना ते अभय देतात असा गंभीर आरोप शिवसेनेचे सिंदखेडराजा तालुका संघटक म्हसाजी वाघ यांनी केला आहे. तशी लेखी तक्रार त्यांनी उपविभागीय अधिकाऱ्यांना दिली आहे..