बिबट्या लई डेंजर; शेतकऱ्यांच्या जीवावर उठला; बंदिस्त गोठ्यातही घुसला अन्....लोणार येथील धक्कादायक घटना...
Dec 7, 2024, 09:23 IST
लोणार(प्रेम सिंगी:बुलडाणा लाइव्ह वृत्तसेवा): बिबट्याने बंदिस्त गोठ्यात हल्ला केल्यामुळे ४ शेळ्यांचा मृत्यू झाला आहे. त्यामुळे लोणार सरोवर परिसरातील पशुपालकांमध्ये भीतीचे वातारण निर्माण झाले आहे.
लोणार येथील प्रकाश रामराव मापारी यांचे शेतात वन्यप्राणी बिबट्याने बंदिस्त गोठ्यात शिरून ४ शेळ्या मारल्या. घटनास्थळी वनविभागाची टीम पोहचून पंचनामा नोंदविला व शेतकऱ्यास नुकसान भरपाईची ग्वाही दिली.
संबंधित एसीएफ काकडे यांच्या मार्गदर्शनाखाली आरएफओ अंकुश येवले, वनपाल कायंदे व लोणार बीट वनरक्षक कैलास चौधरी यांनी केली. लोणार परिसरास लागून वन्यजीव अभयारण्य असल्यामुळे सदरील परिसरात बिबट्याचा वावर असतो, नागरिकांनी रात्री फिरत असताना काळजी घ्यावी, घटना घडल्यास वनविभागाला कळवावे, वनविभागाकडून नुकसान भरपाई मिळेल, वन्यप्राण्यांना त्रास होईल, असे कृत्य करू नये, असे केल्यास तो शिक्षा पात्र अपराध आहे, अशी माहिती वनविभागाने दिली आहे.